کـﯝنول، وفاسیز اولان نازلی یاره یالوارما، نه اعتبار اولا، بی اعتباره یالوارما! داریخما، یاخشی – یامان روزگاریمیز کئچه جک، بو بئش گون عـﯝمره گـﯝره، روزگاره یالوارما! سنین ده بیرگون اولار نوبهارین، ای بولبول، بو ذﯝقسوز، بوصفاسیز باهاره یالوارما. دوشنده موشگوله، بیر اهل حاله دردین دئ، علاجین اوندادیر، اوندان کناره یالوارما! فقیره، عاجیزه، مظلومه، احترام ائیله، عدویه، قان ایچنه، ظلمکاره یالوارما! وطن یولوندا اولوم مرد اوچون سعادتدیر، حیات اوچون فلک کج مداره یالوارما! مخالف اهلینه باش اگمه، سن ده منصور اول، (اناالحق) اوسته چکیلسن ده داره، یالوارما!