بَمَردم از تنهایی{-داستان کوتاه-} باحال بید ...بوخونین #ديدگاه

دیشب رو بوکودَم به آسمان و بُگفتم خودا جان ؛ بَمَردَم از تنهایی پس کِی ئی نَفَرَ روانه کونی کی مَرَ از تنهایی در بَوَره؟!
در حال گب زئن با خودا بوم کی یهو "دیلینگ دیلینگ" می گوشی به صدا در بمو !!
شماره َ نیگاه بوکودَم بیدِم خیلی عجیب غریبه ؛ و تا به حال چنین شماره ای به می چوم نوخورده بو !
گوشیَ اوسَدَم بیدِم ئیتَ کُر از او طرفِ خط
بگفت: الو سلام بَلَمیسر ؛ بَشناختی؟!
بگفتم نه ؛ متاسفانه به جا نَوَردَم !
بگفت : منم دِ ر ؛ ماندانا ؛ تَرَ یاد نیه چند سال پیش ؟! با هم دوست بیم ؛ یهو بَنَم بوشم؟! الان زنگ بزم ؛ تی صدایَ بیشنَوَم و حالی از توو وَوَرسَم !
من کی دال بَوَرده بوم ؛ دوباره ئیتَ نیگاه به آسمان بوکودَمو بگفتم خودا جان خیلی سالاری !

دوباره سوال تکرار بُبُست : هَسَ بَشنَختی ؟!
خَستیم بَگم خودا تَر روانه بوکود ؛ بیدِم ضایع بِ!
بگفتم آره بَلَمیسر ؛ مگه بِ نَشنَسَم؟!!
اتفاقا می دیل تی او صدا ر خیلی تنگ بُبُسته بو ! ماندانا جان ؛ رشت ئیسَئی؟!
بگفت : خبر نَری مگه ؟! الان چهار ساله کی کانادا زندگی کونم !
بگفتم ؛ بیا ؛ ئی نفر بعد از قرنی خَیه امی تنهاییَ دَر بَوَره ؛ اونم از راهِ دور ! شانس ِ دیلَ سگ دیر....!

می دیل دورون بگفتم خوب اشکال نَره ؛ دِ از هیچی بهتره کی !

بگفتم : خوب زندگی مَرَ چی کونی؟! اوجور کی دوست دَری پیش شه؟!

بگفت : هی ؛ بَد نیه ؛ می زَکَن مَرَ مشغولم !

بگفتم : کی؟! زَکَن؟! تو مگه ازدواج بوکودی؟!

بگفت : آئووووو اَنَم خبر نَری؟! قبل از اَنکی بَیَم کانادا ازدواج بوکودَم ؛ الانم دو تا زای دَرَم ؛ ئیتَ پسر ئیتَ دوختر !

بگفتم : نه خَبَر نَشتیم و بعد خیلی شیک و باکلاس خودا حافظی بوکودَمو گوشیَ بَنَم !

بعد دوباره رو به آسمان بوکودمو و بگُفتم : خودا جان ئیتَ سوال : تو می مَرَ شُوخی دَری ؟!!