بیا ای مونس شویا درازم

تو هم بسوز دمی د سوزه سازم

همه شو د خیالت میزنم دم

آخه تا کی مه وا این غم بسازم

نکن کاری دلم بی تو بیمیره

چشه آهه مه دامونتو بیره

یه روز آخر میای زار و پشیمو

اما روزی که عاشق پیره پیره

کجا رت نازنین او روزگارو

د فصل عاشقی روز بهارو

هوا پر بید د عطر آشنایی

تو نه دییم د زیر نم بارو

به او روزی که من دل به تو بسسم

تموم عقل و هوشم رت ز دسسم

د وقتی که می عشق تو حردم

هنیم که هنیه مسته مسسم